823

میرا غفلت میں ڈوبا دل بدل دے


میرا غفلت میں ڈوبا دل بدل دے
ہوا و حرص والا دل بدل دے
الٰہی فضل فرما ،دل بدل دے

dil badal dy

بدل دے دل کی دنیا ،دل بدل دے
گناہ گاری میں کب تک عمر کاٹوں؟؟
بدل دے میرا رستہ، دل بدل دے

ہٹا لوں آنکھ اپنی ماسواسے
جیوں میں تیری خاطر، دل بدل دے

کروں قربان اپنی ساری خوشیاں
تو اپنا غم عطا کر، دل بدل دے

سہل فرما مسلسل یاد اپنی
الٰہی رحم فرما،دل بدل دے

پڑا ہوں تیرے در پر دل شکستہ
رہوں کیوںدل شکستہ، دل بدل دے

تیرا ہو جاؤں اتنی آرزو ہے
بس اتنی ہے تمنا ،دل بدل دے

میری فریاد سن لے میرے مولا
بنا لے اپنا بندہ ،دل بدل دے

دلِ مغموم کو مسرور کر دے
دلِ بے نور کو پر نور کر دے
میرا ظاہر سنور جائے الٰہی
میرے باطن کی ظلمت دور کر دے

MERA GHAFLAT MEIN DOBA DIL BADAL DY


اس پوسٹ پر اپنی رائے کا اظہار کریں

اپنا تبصرہ بھیجیں