1,031

جس کو دنیا جنون کہتی ہے میرا ہوش و حواس ہوتا ہے


اس کا ہر جام خاص ہوتا ہے
عشق ہر دل کی پیاس ہوتا ہے

دور اس سے نکل بھی جاتا ہوں
وہ مگر میرے پاس ہوتا ہے

جب بھی موقع خوشی کا ہو کوئی
اور بھی دل اداس ہوتا ہے

ہر ہنسی کو نہ جو خوشی سمجھے
بس ، وہی غم شناس ہوتا ہے

جس کو دنیا جنون کہتی ہے
میرا ہوش و حواس ہوتا ہے

رازؔ ہے چاک جس کا پیراہن
عزم اس کا لباس ہوتا ہے

راز دان رازؔ

Jis Ko Duniya Junoon Kehti Hai
Mera Hoosh o Hawaas Hota Hai


اس پوسٹ پر اپنی رائے کا اظہار کریں

اپنا تبصرہ بھیجیں