9,135

میرے مولا میری دھرتی کو سلامت رکھنا


میرے مولا میری دھرتی کو سلامت رکھنا
لعل و یاقوت سی مٹی کو سلامت رکھنا

میری دھڑکن، میری پہچان میرا اثباتِ وجود
میرے خا لق میری بستی کہ سلامت رکھنا

خدا کرے میری ارض پاک پر اترے
وہ فصلِ گل جسے اندیشہء زوال نہ ہو

یہاں جو پھول کھلے وہ کِھلا رہے برسوں
یہاں خزاں کو گزرنے کی بھی مجال نہ ہو

یہاں جو سبزہ اُگے وہ ہمیشہ سبز رہے
اور ایسا سبز کہ جس کی کوئی مثال نہ ہو

گھنی گھٹائیں یہاں ایسی بارشیں برسائیں
کہ پتھروں کو بھی روئیدگی محال نہ ہو

خدا کرے نہ کبھی خم سرِ وقارِ وطن
اور اس کے حسن کو تشویش ماہ و سال نہ ہو

ہر ایک فرد ہو تہذیب و فن کا اوجِ کمال
کوئی ملول نہ ہو کوئی خستہ حال نہ ہو

خدا کرے کہ میرے اک بھی ہم وطن کے لیے
حیات جرم نہ ہو زندگی وبال نہ ہو

احمد ندیم قاسمی

Meray Maula Meri Dharti Ko Slamt Rkhna
Lal o Yaqoot Si Matti Ko Slaamt Rkhna
Meri Dharkn, Meri Pehchan Mera Asbaat-e-Wjood
Meray Khaliq! Meri Basti Ko slamt Rkhna


اس پوسٹ پر اپنی رائے کا اظہار کریں

اپنا تبصرہ بھیجیں