3,314

اللہ سے مدد کی دعا


اللَّھمَّ أَعِنِّى عَلَى ذِكْرِكَ وَشُكْرِكَ وَحُسْنِ عِبَادَتِكَ

اے اللہ میری مدد فرما کہ میں تیرا ذکر کروں
تیرا شکر ادا کروں اور تیری بہترین عبادت کروں

اللہ سے مدد کی دعا

یونیورسٹی سے آتے ہوئے ایک بھکاری پر نظر پڑی جو خاصی دھوپ میں بیٹھا ہوا تھا، جس کے نہ ہاتھ تھے اور نہ ہی پاؤں۔ جس کے اوپر بہت سی مکھیاں بیٹھی تھیں اور وہ ان کو اڑا بھی نہیں سکتا تھا ….

کچھ دیر بعد مجھ پر یہ انکشاف ہوا کہ وہ نہ بول سکتا ہے، نہ ہی سن سکتا ہے. وہ بھیک مانگنے کے لئے تو بیٹھا ہوا تھا لیکن صدا لگانے کے بھی قابل نہیں تھا ..

میں مُسلسل اس کو دیکھتا اور یہ سوچتا رہا کہ اس بھکاری کی جگہ میں بھی تو ہو سکتا تھا۔۔ پھر اس کی جگہ پر میں کیوں نہیں ؟؟

میں نے تو کبھی کوئی ایسا کام نہیں کیا جس کی وجہ سے میں اس حال میں نہیں ….

آخر میں کیوں نہیں اس جگہ پر؟؟ مجھے کیوں الله نے ویسا نہیں بنایا ؟؟

وہ چاہتا تو مجھے دنیا کا مظلوم ترین انسان بنا دیتا … پر اس نے نہیں بنایا .. میں ساری زندگی بھی سجدے میں رہوں تو بھی اس کا شکر ادا نہیں کر سکتا …

ہاتھ، پاؤں، آنکھیں، کان، سب کچھ تو دے رکھا ہے الله نے … وہ چاہتا تو مجھے بھی دنیا میں محروم کر دیتا. لیکن مجھے تو الله مسلسل عطا کیے جا رہا ہے …. عطا پر عطا ، مسلسل مہربانی … میری نافرمانیوں، کوتاہیوں کے باوجود مجھے دیتا ہی چلا جا رہا ہے الله ..
اس سارے رحم و کرم کے بعد بھی میں شکر کیوں نہ کروں ؟؟
اِن آنکھوں کا جن سے میں دیکھ سکتا ہوں،
اس زبان کا جس سے میں ذکر کر سکتا ہوں،
ان ہاتھوں کا جن سے میں دعا مانگ سکتا ہوں،
الله کی دی ہوئی ہر ہر نعمت کا۔۔
آخر ہم کیوں شکر ادا نہ کریں ؟؟

اور شکر کا سب سے احسن طریقہ یہ ہے کہ ہم ابھی سے، آج سے اللہ کی اطاعت اور حضور صلی اللہ علیہ وآلہ وسلم کی غلامی کا عہد کر لیں۔۔ پورے خلوصِ دل سے ۔۔۔۔!!!

Allah Sey Maded Ki Dua
Allahumma Inni Ala Dzikrika Wa Syukrika Wa Husne Ibadatika
Ay Allah Meri Maded Frma k Mein Tera Zikr Krun
Tera Shukr Krun Aur Teri Behtreen Ibaadt Krun


اس پوسٹ پر اپنی رائے کا اظہار کریں

اپنا تبصرہ بھیجیں