2,069

وطنِ عزیز کے لئے خاص دُعا


خدا کرے کہ مری ارضِ پاک پر اترے
وہ فصلِ گل جسے اندیشۂ زوال نہ ہو

یہاں جو پھول کھلے، وہ کھلا رہے برسوں
یہاں خزاں کو گزرنے کی بھی مجال نہ ہو

یہاں جو سبزہ اگے وہ ہمیشہ سبز رہے
اور ایسا سبز کہ جس کی کوئی مثال نہ ہو

گھنی گھٹائیں یہاں ایسی بارشیں برسائیں
کہ پتھروں کو بھی روئیدگی محال نہ ہو

خدا کرے نہ کبھی خم سرِ وقارِ وطن
اور اس کے حسن کو تشویش ماہ و سال نہ ہو

ہر ایک فرد ہو تہذیب و فن کا اوجِ کمال
کوئی ملول نہ ہو، کوئی خستہ حال نہ ہو

خدا کرے کہ مرے اک بھی ہم وطن کے لیے
حیات جرم نہ ہو، زندگی وبال نہ ہو

آمین

(احمد ندیم قاسمی)

Khuda Karay Meri Arz-e-Pak Par Utray
Wo Fasal-e-Gull Jisay Andesha Zawal Na Ho
Yahan Jo Phool Khilay Wo Khila Rahay Barsoon
Yahan Khzaan Ko Guzarnay Ki Bhi Majaal Na Ho
Yahan Jo Sabzah Ugay Wo Hmesha Sabaz Rahay
Aur Aisa Sabaz Keh Jis Ki Koyi Misaal Na Ho
Ghani Ghatain Yahan Aisi Barish Barsain
Keh Patharoon Ko Bhi Roeedgi Mahaal Na Ho
Khuda Karay Na Kbhi Kham Sir-e-Waqar Wattan
Aur Us Kay Hussan Ko Tashweesh Mah-o-saal Na Ho
Har Aik Khud Ho Tahzeeb-o-Fan Ka Ka Aoj Kamal
Koyi Malool Na Ho Koyi Khastah Haal Na Ho
Khuda Karay Kay Mery Ik Bhi Hum Wattan Kay Liay
Hayat-e-Juram Na Ho Zindagi Wabal Na Ho
Ameen


اس پوسٹ پر اپنی رائے کا اظہار کریں

اپنا تبصرہ بھیجیں