آج اشک میرے نعت سنائیں تو عجب کیا

آج اشک میرے نعت سنائیں تو عجب کیا
سن کر وہ مجھے پاس بلائیں تو عجب کیا

دیدار کے قابل تو نہیں چشم تمنا
لیکن وہ کبھی خواب میں آئیں تو عجب کیا

منہ ڈھانپ کہ رکھنا کہ گنہگار بہت ہوں
میت کو میری دیکھنے آئیں تو عجب کیا

ان پر تو گنہگار کا سب حال کھلا ہے
اس پر بھی وہ دامن میں چھپائیں تو عجب کیا

وہ حسن دو عالم ہیں ادیب ان کے قدم سے
صحرا میں اگر پھول کھل جایئں تو عجب کیا

سید ادیب رائے پوری

Aaj Ashk Meray Naat Sunaen To Ajab Kya
Sun Ker Mjhy Wo Pas Bulaen To Ajab Kya
Deedar Kay Qaabil To Nahi Chashm E Tmanna
Lekin Wo Kbhi Khvab Mein Aen To Ajab Kya
Sayed Adeeb Raye Puri