جوٹھ دا سودا ہتھو ہتھ
سچ دا گاہک ٹاواں ٹاواں
شکلوں سارے بندے لگدے
وچوں بندا ٹاواں ٹاواں
ریت چہ گھونگھے رلدے پھردے
سیپ چہ موتی ٹاواں ٹاواں
شکلوں سارے بندے لگدے
وچوں بندا ٹاواں ٹاواں
نال مراں گے ہر کوئی کہندا
مردا جے کوئی ٹاواں ٹاواں
لکن میٹی ہر کوئی کھیڈے
پگدا جے کوئی ٹاواں ٹاواں
عشق سمندر ہر کوئی ٹھلدا
تردا جے کوئی ٹاواں ٹاواں
نال جوانی ہر کوئی ڈھکدا
پجدا جے کوئی ٹاواں ٹاواں
