7,174

بشر کو مار دیتا ہے بہت حساس ہونا بھی

بہت امید رکھنا اور پھر بے آس ہونا بھی
بشر کو مار دیتا ہے بہت حساس ہونا بھی

سنو اک کان سے اور دوسرے سے پھینک دو باہر
بہت نقصان دہ ہے صاحب احساس ہونا بھی

اگرچہ تم دکھاوے کے لیے ہی ساتھ ہو میرے
چلو ، اتنا ہی کافی ہے تمھارا پاس ہونا بھی

یونہی تو ابر رحمت کی طلب کرتا نہیں ہوں میں
ضروری ہے مقدر میں ذرا سی پیاس ہونا بھی

کئی چہرے لٹک جاتے ہیں خوشیوں کی خبر سن کر
ہمیں تو روپ دیتا ہے غموں کا راس ہونا بھی

جلے گی خود با خود سعدی دلوں میں پیار کی شمعیں
غنیمت ہے اسے میرا ابھی احساس ہونا بھی

حسّاس

Bohat Umeed Rakhna Aur Phir Be Aas Hona Bhi
Bashar Ko Maar Daita Hai Bohat Hassas Hona Bhi

اس پوسٹ پر اپنی رائے کا اظہار کریں

اپنا تبصرہ بھیجیں