602

بیوی کیسی بہتر ہے؟


بیوی کیسی بہتر ہے؟
زمانہ تیز ہے جلدی سے شادی ہو تو بہتر ہے
مگر ہے یہ بھی خواہش بیوی سادی ہو تو بہتر ہے
وہ ایسی ہو کہ باتیں اس کی سن کے دل بہلتا ہو
مگر غصے میں چپ رہنے کی عادی ہو تو بہتر ہے

اسے کھانا بنانے کا ہنر بھی خوب آتا ہو
مگر وہ صبر سے سب کچھ ہی کھاتی ہو تو بہتر ہے
ضروری ہے کہ کچھ شوخی بھی اس کی سادگی میں ہو
مگر کچھ موقعوں پر کبھی وہ منہ بناتی ہو تو بہتر ہے

ادب سے بھی شغف رکھتی ہو کہ لکھاری کی بیوی ہے
وہ دل کی بات شعروں میں سناتی ہو تو بہتر ہے
ہمیشہ منہ بسورے گھر میں رہنا نامناسب ہے
مگر موقع بہ موقع روٹھ جاتی ہو تو بہتر ہے

میں گھر جا کر اسے دیکھوں تو دل آرام پاتا ہو
میں جب دیکھوں اسے وہ مسکراتی ہو تو بہتر ہے
اگرچہ یہ بھی خواہش ہے کہ خود بھی حور جیسی ہو
مگر وہ گھر کو بھی جنت سا بناتی ہو تو بہتر ہے

صبح سویرے گرم چائے بستر پہ میرے لے کے آتی ہو
“اٹھیں نا جان” کہہ کر وہ جگاتی ہو تو بہتر ہے
جو گھر سے میں کہیں جاؤں تو مجھ کو یاد کرتی ہو
جو گھر آؤں خوشی سے مسکراتی ہو تو بہتر ہے

“اجی!! ٹماٹر پیاز لے کے آنا” تو سب ہی بیویاں کہتی ہیں
کبھی وہ مجھے بے وجہ بھی کال کرتی ہو تو بہتر ہے
وہ دونوں حسن یعنی سیرت و صورت بھی رکھتی ہو
علاوہ ان کے جو بولا ہے’ وہ ویسی ہو تو بہتر ہے

نہ ایسی ہو کہ ہر دم ناک میں ہی دم کیے رکھے
کبھی وہ تھوڑا سا مجھے ستاتی ہو تو بہتر ہے

? BIVI KESI BAHTER HAI


اس پوسٹ پر اپنی رائے کا اظہار کریں

اپنا تبصرہ بھیجیں