تیرے ہتھ وِچ ڈور وے سائیاں
پُتلی دا کی زور وے سائیاں
تیرے ہَتھ وِچ میری ڈور وے سائیاں
تُوں جِدھر مرضی موڑ وے سائیاں
میں اندروں باہروں ٹوٹے ٹوٹے
توں مینوں فیر توں جوڑ وے سائیاں
میرا خالی کاسہ بھر دے توں
نئیں تیرے خزانے تھوڑ وے سائیاں
میں تے نوکر وی تیرے در دی ہاں
نئیں ہور کِسے دی لوڑ وے سائیاں
جَھلی ہو گئی ہجر میں یار دے وِچ
میری ذات دا مان توں موڑ وے سائیاں
ہُن وصل دی رات وی آون دے
ہُن ہجر دا مان تروڑ وے سائیاں